ചൊവ്വാദോഷം എന്ന പൊല്ലാപ്പ്

ചൊവ്വാദോഷം എന്ന

പൊല്ലാപ്പ്

         പീഡനങ്ങളും മറ്റ് തരത്തിലുള്ള അപമാനങ്ങളും ഉൾപ്പെടെയുള്ള ദുരിതപർവങ്ങൾക്കിടയിൽ വന്നെത്തുന്നു, മറ്റൊരു ലോക വനിതാ ദിനം കൂടി... കാലത്തിന്റെ പെരും പാച്ചിലിൽ സമൂഹത്തിലെ പെണ്‍ വിലാപങ്ങൾക്കൊട്ടു കുറവുവരുന്നില്ല... പീഡനമായും അവഗണനയായും ദാരിദ്ര്യമായും നിരക്ഷരതയായുമൊക്കെ അതങ്ങനെ കത്തി നിൽക്കുന്നു ശാസ്ത്രത്തിന്റെ പിൻബലത്തോടെ മനുഷ്യ കുലത്തിന്റെ ദോഷങ്ങൾക്കെല്ലാം പരിഹാരവുമായി കുതിക്കുന്നതിനിടയിലും ജാതകദോഷം എന്ന അജ്ഞതയുടെ പേരുപറഞ്ഞ്‌ എണ്ണമറ്റ പെണ്‍സ്വപ്നങ്ങളാണ് ചവിട്ടിയരയ്ക്കപ്പെടുന്നത്... മറ്റ് പലവിധ പെണ്‍ ദുരിതങ്ങൾക്കെതിരെയും പ്രതികരിക്കുന്നവർ ഇവിടെ അപകടകരമായ മൌനം പാലിക്കുന്നതെന്താണ് ?

---

ചൊവ്വാദോഷം എന്ന പേരിൽ യുവതീയുവാക്കളുടെ ജീവിതം തകർക്കുന്ന പരമ്പരാഗത അന്ധവിശ്വാസത്തിന്റെ ക്രൂരത എത്രയാണ്‌? വിദ്യഭ്യാസ- സാമ്പത്തിക- സാമൂഹിക രംഗങ്ങളിൽ ഏറെ മുന്നിട്ടുനിൽക്കുന്ന കുടുംബങ്ങൾ പോലും ജാതകദോഷം ഉൾപ്പെടെയുള്ള അന്ധവിശ്വാസങ്ങളെ താലോലിക്കുന്ന വിരോധാഭാസമാണ് കാണുന്നത്.